काठमाडौं । काठमाडौं उपत्यका प्रहरी कार्यालय रानीपोखरीले शान्त, तथा अवरोधमुक्त छिमेकी अभियान संचालन गरेको हो । यस अभियान अन्तर्गत शान्त समाज, सभ्य समाजको निर्माणर्थ ध्वनी, धुवा र फोहर प्रदुषण मुक्त छिमेकी अभियानको थालनी भएको छ ।विभिन्न मानवीय क्रियाकलापका कारण उत्पन्न हुने ध्वनी प्रदुषण मानव स्वास्थ्यका लागि हानिकारक भएको र ध्वनी प्रदुषणका कारण गर्भवती महिला, मुटुरोगी एवं वृद्धवृद्धा र बालवालिकाको शैक्षिक, मानसीक र शारीरिक स्वास्थ्यमा नकारात्मक असर परेकाले नियन्त्रणका लागि अभियान सुरु भएको हो । साथै अभियानले सर्वसाधारणको सामाजिक, आर्थिक कृयाकलाप तथा नैतिक मूल्य मान्यता स्थापित गर्ने भएकाले अभियानलाई वेवास्था गरे कानुनी उपचार गरिने प्रहरीले जानकारी दिएको हो । प्रहरीले ध्वनी प्रदुषण गर्ने व्यक्ति वा संस्थालाई सम्बन्धित निकायले त्यस्तो कार्यमा बन्देज लगाई ३ लाख रुपैया सम्म जरिवाना गर्नसक्ने भन्दै त्यस्ता कार्य नगर्न चेतावनी दिएको हो ।