त्यसो त यहाँ स्थापना गरिएको श्रेष्ठ र महर्जनको कुल देवताको मन्दिर पहिले यहि रहेको खोलाको पारिपट्टी चिहान संगै रहेको स्थानीय बृद्धहरु बताउछन । पछि खोलाले मन्दिर रहेको स्थानमा क्षति पुर्याउदै गएपछि यस स्थानमा सारिएको बताइन्छ ।साथै पहिले कीर्तिपुरका मानन्धर थरका नेवाःहरुपनि यहि स्थानमा देवाली गर्न आउने प्रचलन रहेको र अहिले भने उनीहरुको कुल देवताको मुर्ति कीर्तिपुर अस्पताल संगैको चौरमा स्थापना गरेर पुजा गर्न थाले पछि पिङ्गलमा बलम्वुका श्रेष्ठ र महर्जनले बर्षमा कुल तिथी अनुसार एक पटक देवाली पुजा गरि भोज खाने गरेको स्थानीयले जानकारी दिए ।पश्थर कलामा समाहित मुर्तिहरु संरक्षणको अभावमा जिर्ण हुदै आकृति बिहिन बन्दै गएका छन भने पौरणिक इतिहास दर्शाउने शिलालेखको अक्षर पनि बिलाउदै गएका छन ।

साथै यहाँ भएको एक पाटी अहिले भग्नावशेषको रुपमा मात्र रहेको छ । पहिले कृषि कर्म गर्न गएका स्थानीयहरुले झरि पानी पर्दा यहि पाटीमा ओत लाग्ने गरेको बृद्ध बुर्जुकहरु बताउछन ।

वडा कार्यालयले बिभिन्न योजनाहरुमा लगानी गर्दै आएको भएपनि आफ्नै दैलो अगाडिको सास्कृतिक र ऐतिहासिक पिङ्गल भने किन प्राथमिकतामा नपरेको होला ? सो स्थानमा पुग्ने जो कोहि यहि प्रश्न गरिरहेका छन ।