काठमाडौं । स्वास्थ्य सेवा प्रवाह तथा व्यवस्थापनका क्षेत्रमा चन्द्रागिरि नगरपालिकाले उल्लेखनीय उपलब्धि हासिल गरेको छ । काठमाडौं जिल्लाका ११ स्थानीय तहमध्ये चन्द्रागिरि नगरपालिका स्वास्थ्य सेवाका विभिन्न सूचकहरूको मूल्याङ्कनमा प्रथम स्थान हासिल गर्न सफल भएको हो ।

बागमती प्रदेश सरकार, स्वास्थ्य तथा सामाजिक विकास मन्त्रालयअन्तर्गत स्वास्थ्य निर्देशनालय तथा जनस्वास्थ्य कार्यालय काठमाडौंले आर्थिक वर्ष २०८२/०८३ को जिल्ला स्तरीय वार्षिक समीक्षा गरेको थियो । उक्त समीक्षामा निर्धारित स्वास्थ्य सेवासम्बन्धी विभिन्न सूचकहरूको आधारमा मूल्याङ्कन गर्दा चन्द्रागिरि नगरपालिका काठमाडौं जिल्लाकै पहिलो स्थानीय तह बन्न सफल भएको हो । जनस्वास्थ्य कार्यालय काठमाडौको आयोजनामा काठमाडौ जिल्ला अन्तर्गतका स्थानीय तहहरुको आर्थिक बर्ष २०८२/८३ मा सम्पादित स्वास्थ्य कार्यक्रम तथा स्वास्थ्य क्षेत्रको समग्र मुल्यांकन गर्दा चन्द्रागिरी नगरपालिका ले ७५% प्राप्त गर्दै प्रथम स्थान हांसिल गरेको हो ।

नगरपालिकाले स्वास्थ्य सेवा प्रवाह, स्वास्थ्य कार्यक्रमको कार्यान्वयन तथा विभिन्न स्वास्थ्य सूचकमा गरेको कार्यसम्पादनको मूल्याङ्कनस्वरूप यो उपलब्धि प्राप्त गरेको जनाइएको छ ।

प्रथम स्थान हासिल गरेसँगै जनस्वास्थ्य कार्यालय काठमाडौंले चन्द्रागिरि नगरपालिकालाई बधाई दिँदै आगामी दिनमा समेत स्वास्थ्य क्षेत्रमा सञ्चालन भइरहेका कार्यक्रम र गतिविधिलाई थप निरन्तरता दिन अपेक्षा गरेको छ ।

स्वास्थ्य क्षेत्रमा प्राप्त यो उपलब्धिले चन्द्रागिरि नगरपालिकाको स्वास्थ्य सेवा व्यवस्थापन र सेवा प्रवाहमा भएका प्रयासलाई जिल्ला स्तरमा स्थापित गरेको छ ।

यस उपलब्धिलाई कायम राख्दै नगरवासीलाई थप गुणस्तरीय, सहज र प्रभावकारी स्वास्थ्य सेवा उपलब्ध गराउनु नगरपालिकाका लागि आगामी चुनौती र अवसर दुवै बनेको छ ।