नेपाल प्रहरी संगठनबाट प्राप्त जिम्मेवारीलाई व्यावसायिक निष्ठा, कर्तव्यपरायणता र सांगठनिक नीतिअनुरूप कुशलतापूर्वक सम्पादन गर्दै शान्ति सुरक्षा कायम राख्न तथा प्रहरी कारबाहीलाई प्रभावकारी बनाउन वृत्त प्रमुखका रूपमा निर्वाह गरेको भूमिकाको उच्च मूल्याङ्कन गर्दै उनलाई उक्त पुरस्कार प्रदान गरिएको जनाइएको छ ।

त्यसैगरी, सर्वसाधारण नागरिकमा सुरक्षाको अनुभूति अभिवृद्धि गर्दै आम नागरिकमाझ नेपाल प्रहरी संगठनको गरिमा र प्रतिष्ठा उकास्न पुर्यायको उल्लेखनीय योगदानको कदरस्वरूप उनलाई ‘उत्कृष्ट प्रहरी’ घोषित गरिएको हो।थानकोट प्रहरी वृत्तको नेतृत्व सम्हाल्दै आएका डिएसपी केसीले प्राप्त गरेको यस सम्मानले प्रहरी संगठनभित्र जिम्मेवारीप्रतिको निष्ठा, व्यावसायिकता र सेवाभावको महत्त्वलाई समेत उजागर गरेको छ।